(ନୂଆଦିଲ୍ଲୀ)୧୦/୮ - ସବୁ କଳ୍ପନା ଜଳ୍ପନାର ଅବସାନ ଘଟାଇ କଂଗ୍ରେସର ବରିଷ୍ଠ ସୋନିଆ ଗାନ୍ଧୀ ପୁଣିଥରେ କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷା ଭାବରେ ମନୋନୀତ ହୋଇଛନ୍ତି । ଆଜି ଅନୁଷ୍ଠିତ ଦଳର କାର୍ଯ୍ୟକାରିଣୀ ବୈଠକରେ ଏହି ନିଷ୍ପତ୍ତି ନିଆଯାଇଛି । ନିର୍ବାଚନରେ ବିଫଳତା ପରେ ରାହୁଲ ଗାନ୍ଧୀ ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ । ଏହାପରେ ନୂତନ ଅଧ୍ୟକ୍ଷ ପଦବୀକୁ ନେଇ ବ୍ୟାପକ କଳ୍ପନା ଜଳ୍ପନା ପ୍ରକାଶ ପାଇଥିଲା । ଗାନ୍ଧୀ ପରିବାର ବାହାରୁ ଏଥର କଂଗ୍ରେସର ଅଧ୍ୟକ୍ଷ ଦାୟିତ୍ୱ ନେବେ ବୋଲି ଆଲୋଚନା ହେଉଥିଲା । ଆଜିର ବୈଠକରେ ରହୁଲଙ୍କୁ ଅଧ୍ୟକ୍ଷ ଦାୟିତ୍ୱ ନେବାପାଇଁ ଅନୁରୋଧ କରାଯାଇଥିଲେ ମଧ୍ୟ ସେ ସଫାସଫା ମନା କରିଦେଇଥିଲେ । ଶେଷରେ ସୋନିଆଙ୍କୁ ଅନୁରୋଧ କରାଯିବା ପରେ ସେ ଅନ୍ତରୀଣ ଅଧ୍ୟକ୍ଷା ହେବା ପାଇଁ ସମ୍ମତି ପ୍ରଦାନ କରିଛନ୍ତି । ବରିଷ୍ଠ ନେତା ଗୁଲାମ ନବି ଆଜାଦ ଏବଂ ହରିଶ ରାୱତ ଏନେଇ ଗଣମାଧ୍ୟମକୁ ସୂଚନା ଦେଇଛନ୍ତି । ଅଢେଇ ମାସ ପରେ ପୁଣି ଅଧ୍ୟକ୍ଷ ନିର୍ବାଚନ ହେବାର ଅଛି । ତେବେ ସୋନିଆଙ୍କ ଦାୟିତ୍ୱ ଗ୍ରହଣ ପରେ ଦଳର ଆଗାମୀ କାର୍ଯ୍ୟକ୍ରମ କଣ ରହିବ ତାହା ଏବେଠୁ କହିହେବନାହିଁ ।