(ସୋହେଲା) ଗଣ ଇସ୍ତାହାର ୧୫/0୧- ବରଗଡ ଜିଲ୍ଲା ସୋହେଲା ବ୍ଲକ କେର୍ମେଲୀର ପ୍ରଜ୍ଞା ଭାରତୀ ଅନୁଷ୍ଠାନ ତରଫରୁ ୨୯ ତମ ମକର ମିଳନ ସାହିତ୍ୟ ଆସର ଅନୁଷ୍ଠିତ ହୋଇଯାଇଛି l ଅବସରପ୍ରାପ୍ତ ପ୍ରଧାନ ଶିକ୍ଷକ ଦିଲ୍ଲୀପ କୁମାର ଭୋଇଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ଉତ୍ସବ ରେ ମୁଖ୍ୟ ଅତିଥି ଭାବରେ ସୋହେଲା ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ଟେକଚାନ୍ଦ ଦୁଆନ, ମୁଖ୍ୟ ବକ୍ତା ଭାବରେ ପଣ୍ଡିତ ପୂର୍ଣଚନ୍ଦ୍ର ସାହୁ, ସମ୍ମାନିତ ଅତିଥି ଭାବରେ ସାହିତ୍ୟିକ ଅଶୋକ ପୂଜାରୀ, ଗୌରୀଚରଣ ପଧାନ, ନାରାୟଣ ସାହୁ ପ୍ରମୁଖ ଯୋଗ ଦେଇ ବକ୍ତବ୍ୟ ପ୍ରଦାନ କରିଥିଲେ l
ସଭା କାର୍ଯ୍ୟକ୍ରମ କେଦାରନାଥ ସାହୁ ପରିଚାଳନା କରିଥିବା ବେଳେ ଅନୁଷ୍ଠାନ ର ଅଧ୍ୟକ୍ଷ ସୁକୁମାର ସ୍ୱାଗତ ଭାଷଣ, ଉଦ୍ଦେଶ୍ୟ ଜ୍ଞାପନ ତଥା ଧନ୍ୟବାଦ ଅର୍ପଣ କରିଥିଲେ l ସଭା ପ୍ରାରମ୍ଭରେ ମାଧବ ଓ ଅଞ୍ଜଳି ସ୍ୱାଗତ ସଂଗୀତ ଗାନ କରିଥିଲେ l ଏହି ସାରସ୍ୱତ ଆସରରେ ସମ୍ବଲପୁରୀ ଭାଗବତ ରଚୟିତା ପଣ୍ଡିତ ପୂର୍ଣଚନ୍ଦ୍ର ସାହୁଙ୍କୁ ପ୍ରଜ୍ଞା ଭାରତୀ ସମ୍ମାନ ଏବଂ ମକର ମିଳନ କବିତା ସମ୍ମାନ କବି ମୁନିରାମ କୁମ୍ଭାର ଙ୍କୁ ପ୍ରଦାନ କରାଯାଇଥିଲା l ଏହା ପରେ ଅନୁଷ୍ଠିତ କବିତା ଆସର ରେ କବି ରାଜେଶ କାରିଆ, ରୋହିତ ମେହେର, ମୁନିରାମ କୁମ୍ଭାର, ବନବାସ ଭୁଏ, ପୀତବାସ ପଧାନ ପ୍ରମୁଖ କବିତା ପାଠ କରିଥିଲେ l
୨୯ ତମ ମକର ମିଳନ ସାହିତ୍ୟ ଆସର ଅନୁଷ୍ଠିତ
